Ляпис Трубецкой - Грай

Ляпис Трубецкой - Грай

Сяргей Міхалок: «Напярэдадні чароўнага свята мы вырашылі выпусціць песню на беларускай мове, у якой хочам падарыць усім беларусам адчуванне вясны і святочных цудаў, а таксама падтрымаць іх веру ў светлую будучыню, пазітыў і непазбежную перамогу дабра над любымі казачнымі пачварамі».


Недзе ля ракі, дзе не мае броду
Шэрыя быкі танчуць карагоды
Ланцугі ўначы адліваюць з ладам
Воран там крычыць з воўкам родным братам

Палыхае там вогнішча да неба
П’юць яны віно, заядаюць хлебам
Песні ім пяюць старыя цыганкі
Б’юць капытам, б’юць, а ў небе маланкі

Гэтыя быкі маюць сваю праўду
Ім не трэба сонца, цемры ім багата
Ім вясны не трэба, ім зімы б паболей
Каб ты хлопец спаў на пячы ў няволі

Грай! Шукай! У снах юнацтва свае мары
Грай! Гукай! Вясны зяленай цёплай чары
Грай! Спявай! Дружна песні райскай волі
Грай! Грай! Гані быкоў – вярнецца доля!

Напілісь быкі, скачуць па краіне
Топчуць ручнікі капытамі ў гліне
Скачуць па дварах, адчыняюць хаты,
Хто не пахаваўся – будзе вінаватым

Гэтыя быкі маюць сваю праўду
Ім не трэба сонца, цемры ім багата
Ім вясны не трэба, ім зімы б паболей
Каб ты хлопец спаў на пячы ў няволі

Грай! Шукай! У снах юнацтва свае мары
Грай! Гукай! Вясны зяленай цёплай чары
Грай! Спявай! Дружна песні райскай волі
Грай! Грай! Гані быкоў – вярнецца доля!